WATUMISHI TARAFA YA NANYUMBU WAFURAHIA UTALII WA NDANI LUKWIKA–LUMESULE.

Posted on: December 8th, 2025

Watumishi kutoka Tarafa ya Nanyumbu, Wilaya ya Nanyumbu, Tarehe 6 Desemba 2025 wamefanya ziara ya Utalii wa Ndani katika Hifadhi ya Lukwika–Lumesule iliyopo wilayani humo.

Ziara hiyo maalum iliandaliwa na Afisa Tarafa wa Nanyumbu, Ndugu Livinus Nchimbi, ikiwa na lengola kutangaza utalii wa ndani pamoja na kutoa nafasi kwa watumishi kupumzika na kuimarisha mshikamano baada ya majukumu ya kila siku ya kulijenga Taifa.

Aidha ziara iyo ilikuwa ni tekelezo la Ahadi yaNdugu Nchimbi alilolitoa katika kikao kazi alichofanyika tarehe 24 Novemba na watumishi hao.  Kupitia ziara hiyo, watumishi wamepata fursa ya kuongeza uelewa juu ya dhana ya utalii wa ndani na umuhimu wa kuhifadhi rasilimali za taifa kwa manufaa ya vizazi vijavyo.

Miongoni mwa vivutio vilivyoacha kumbukumbu ya kipekee kwa watumishi ni Pango la Habiba, lenye historia adimu na linalojulikana pia kuwa eneo la kutatua migogoro ya kifamilia.

Kwa upande mwingine, watumishi walipata kuona aina mbalimbali za wanyama wanaopatikana ndani ya hifadhi hiyo.

Kwa yeyote anayetamani kujifunza historia ya Pango la Habiba pamoja na vivutio vingine, ziara katika Hifadhi ya Lukwika–Lumesule ni fursa muhimu.

Mwisho wa ziara hiyo, watumishi walionesha furaha kubwa na wengi wao wakaomba ziara kama hiyo irudiwe mara kwa mara.