Maadili ya Msingi

MAADILI YETU

Maadili kwa Waheshimiwa Madiwani na Watumishi wa Halmashauri ya Wilaya ya Nanyumbu yameainishwa kama ifuatavyo:-

• Waheshimiwa Madiwani na Watumishi wa Halmashauri ya Wilaya ya Nanyumbu wanapaswa kutimiza majukumu yao kwa ubora zaidi, kwa kujituma, nidhamu, uadilifu, uaminifu na uwazi.

• Waheshimiwa Madiwani na Watumishi wa Halmashauri ya Wilaya ya Nanyumbu wanapaswa kuepuka migogoro yao binafsi ndani ya Halmashauri, wajitume wenyewe na kufuata sheria, kanuni na taratibu wakati wote wa kutekeleza majukumu yao.

• Waheshimiwa Madiwani na Watumishi wa Halmashauri ya Wilaya ya Nanyumbu wasiwe na upendeleo, wizi na wawe waaminifu na wayalinde maadili ya Halmashauri.

• Waheshimiwa Madiwani na Watumishi wa Halmashauri ya Wilaya ya Nanyumbu wanapaswa kushiriki kikamilifu kwenye shughuli zote za Halmashauri zikiwemo kukusanya maduhuri/mapato, usafi wa mazingira ya mji na shughuli nyingine kwa manufaa ya Halmashauri.

• Waheshimiwa Madiwani na Watumishi wa Halmashauri ya Wilaya ya Nanyumbyu wanapaswa kutii matakwa ya Sheria Na. 7 ya mwaka 1982 na sehemu ya 20A ya Sheria Na. 10 ya mwaka 1982.

• Utendaji unaozingatia matokeo-kuzingatia tija katika utoaji huduma za jamii.

• Matumizi bora ya taarifa za kikazi. Waheshimiwa Madiwani na Watumishi wa Halmashauri ya Wilaya ya Nanyumbu hawaruhusiwi kutumia taarifa za serikali kwa masilahi binafsi au kuzitoa kwa wasiohusika.

• Kufanya kazi kwa ushirikiano na wadau wote katika utendaji kazi na heshima kwa wote bila kujali anuai za jamii (Jinsia, ulemavu n.k).