UZINDUZI WA MAADHIMISHO YA WIKI YA SHERIA KATIKA WILAYA YA NANYUMBU.

Posted on: January 27th, 2025

Na, Airin Lipuka

Mahakama ya Wilaya ya Nanyumbu imefanya matembezi ya Amani ya Kilometa tatu ya kushiriki  uzinduzi wa wiki ya Sheria yaliyoongozwa na Mgeni  Rasmi Mkuu wa Wilaya ya Nanyumbu, Mhe. Christopher Magala yaliyoanzia mahakama ya Wilaya Nanyumbu hadi katika Viwanja vya Mangaka Amcos.

Matembezi hayo yalihudhuriwa na Majaji wa Mhakama,  Mkurugenzi Mtendaji wa halmashauri ya Wilaya ya Nanyumbu, Ndugu Ibrahim Mwanauta, Viongozi wa Dini, Mahakama  na Wasaidizi wa sheria, Watumishi wa Mahakama, watumishi wa Tasisi za Umma, wakuu wa Idara ya Halmashauri ya Nanyumbu wadau na wananchi wa ndani na Nje ya Halmashauri ya wilaya ya Nanyumbu kwa kauli Mbiu isemayo TANZANIA YA 2050 NAFASI YA TAASISI ZINASIMAMIA HAKI MADAI KATIKA KUFANYA MALENGO MAKUU YA DIRA YA TAIFA YA MAENDELEO.

Akizingumza katika uzinduzi huo, Mkuu wa Wilaya ya Nanyumbu  Mhe. Christopher Magala Alisema kuwa Mahakama ni sehemu ya Mhimili Muhimu Unaotekeleza  Maendeleo Nchini hivyo kupitia Matembezi ya ufunguzi wa wiki ya sheria, Amewataka   watumishi wote  wa Mahakama Kutenda haki  kama ilivyo kauli mbiu ya Mahakama  isemayo Uadilifu, Weledi na Uwajibikaji ili kutimiza malengo yaliyokusudiwa. Aliwakumbusha pia Wananchi Kuwepo kwa KAMPENI YA KITAIFA YA MAMA SAMIA Ambayo kwenye Mkoa wa Mtwara Ilianza  tarehe 24, Januari na kuisha Tarehe 02/2/2025 na  katika Halmashauri ya Nanyumbu imezinduliwa leo tarehe 27/1/2025 mpaka tarehe 3/2/2025 na Timu ya Halmashauri  inapita kwenye kata na vijiji kwa Dhumuni ya kutoa sheria na Huduma Hivyo Wananchi tujitokeze.

Aidha, DC Magala alitumia nafasi  hiyo kuwakumbusha Wananchi  kuhusu kujitokeza kwenda  kujiandikisha kwenye Daftari la Kudumu la Wapiga  kura  litakaloanza tarehe 28/2025 hadi tarehe 3/2/2025. Alieleza pia hiyo ni fursa kwa wanaichi waliopoteza vitambulisho, waliobadilisha maeneo ya makazi sambamba na ambao hawakufikisha Umri wa miaka kumi na nane (18) mwanzo lakini kwa sasa wamefikisha.

Naye, HakimuMkazi  Mfawidhi wa  Wilaya ya Nanyumbu mhe. Asifiwe Crispo Jembe alimalizia kwa kusema utoaji wa Elimu na huduma ya  sheria bado ni endelevu kwa Halmashauri ya Nanyumbu Mpaka tarehe 3/2/2025 hivyo wanainchi wajitokeze kwa ajili ya kupata huduma hiyo na Elimu hiyo ya sheria.

meza kuu katika picha ya pamoja na baadhi ya wakuu wa idara ya Halmashauri ya Wilaya ya Nanyumbu.