TUME YA TAIFA YA UMWAGILIAJI NA WASHAURI ELEKEZI KUTOKA MAKAMPUNI YA CCL-MULT- NETWAS YAKUTANA NA WAJUMBE WA CMT NANYUMBU KUTOA MREJESHO WA UJIO WA MRADI WA KILIMO CHA UMWAGILIAJI KATIKA BONDE LA MTO RUVUMA.

Posted on: January 21st, 2025

Tume hiyo imekutana na wajumbe wa CMT tarehe 20 Januari 2025 katika ofisi ya mwenyekiti wa Halmashauri ya wilaya Nanyumbu na kuwaeleza wajumbe kuwa lengo la kuja kwao ni kutoa mrejesho wa kazi zilizofanyika tangu mwanzo hadi hatua ya mwisho ya kutathimini athari za kimazingira na  kijamii zitokanazo na ujio wa mradi huo wa umwagiliaji utakaofanyika katika kijiji cha Lukula na Masuguru. Ilieleza kuwa hatua hii ni ya mwisho imehusisha mikutano na viongozi wa vijiji na mikutano ya hadhara ili kuona mapokeo ya wanaiinchi kuridhia na kukubaliana na athari zozote za kijamii na mazingira zitakazojitokeza zitafidiwa  na uongozi wa vijiji husika ambapo katika hili lielezwa bayana ya kwamba uongozi wa kijijiwamekubali kuwafidia wanainchi wao kwa athari zitakazojitokeza na wanainchi wamekubali.

Bi Amina Fundi ambaye alikuwa mwakilishi wa Mkurugenzi wa Halmashauri ya wilaya Nanyumbu aliwahoji tume hiyo kama wanamuhtasari wowote kuhusu mapokeo na  maridhio ya wananchi kuhusu ujio wa mradi huo,  mmoja wa wajumbe katika tume hiyo aliwaeleza wajumbe wa CMT kuwa  wanao muhtasari wa wananchi kuridhia  mradi huo wa kilimo cha umwagiliaji ambao upo katika upembuzi yakinifu na usanifu.

Aidha tume hiyo ilieleza  kuwa katika utafiti ambao wamekwisha ufanya wamegundua mazao ambayo yanaweza kustawi katika maeneo hayo ni pamoja na Mpunga, Mahindi, Mbaazi, Ufuta, Njugumawe, Nyanya pamoja na Nyasi maliisho aina ya elephant grass kwa ajili ya mifugo.

Afisa Kilimo wa wilaya ya Nanyumbu Ndugu Iddi.A.Mwakibuka aliwashukuru Wajumbe na tume  kwa kuhudhuria  sambamba  na kuieleza tume hiyo kuwa Nanyumbu inatarajia mafanikio makubwa kupitia uwepo wa mradi huo na matumaini nikuleta tija kwa wananchi wa maeneo husika na Halmashauri kwa ujumla.