Serikali yaipatia Nanyumbu vifaa vya Maabara Sekondari

Posted on: December 23rd, 2019

Mkurugenzi Mtendaji wa Halmashauri ya Wilaya ya Nanyumbu Ndg. Hamis H. Dambaya (mwenye koti jeusi kushoto) akimkabidhi  Mkuu wa Shule ya Sekondari Nandete Ndg. Hamis H. Naweka kiunzi (Human Skeleton)

Na, Lunanilo L. Ngela

Mkurugenzi Mtendaji wa Halmashauri ya Wilaya ya Nanyumbu Ndg. Hamis H. Dambaya, ametoa shukrani za dhati kwa Serikali ya Jamhuri ya Muungano ya Tanzania kupitia Wizara ya Elimu, Sayansi, Teknolojia na Mafunzo ya Ufundi kwa kuzipatia shule za Wilaya hiyo vifaa vya maabaara za Baiolojia (Biology) na kemia (Chemistry.

Akitoa shukrani hizo wakati anawakabidhi wakuu wa shule vifaa hivyo, Ndg. Dambaya amesema kuwa vifaa hivyo vitachochea ari ya wanafunzi katika kujifunza masomo ya sayansi kwa vitendo. Vifaa hivyo vimekuja ikiwa ni awamu  ya pili kwani Serikali ilishaleta vifaa vingine katika awamu ya kwanza ili kuhakikisha wanafunzi katika shule zote wanapata Elimu bora.

Serikali ya Jamhuri ya Muungano wa Tanzania inayoongozwa na Rais Dr, John Pombe Magufuli imeendelea kuimarisha na kuboresha sekta ya Elimu huku ikihakikisha wanafunzi wote wanapata haki ya Elimu. Serikali imefuta ada kwa wanafunzi wote tangu awali mpaka kidato cha nne, imeboresha miundombinu ya shule ikiwa ni pamoja na kutoa ruzuku kwa ajili ya uendeshaji wa shule.

Kaimu Afisa Elimu Sekondari wa Wilaya ya Nanyumbu Ndg. George Komba na Wakuu wa Shule za Sekondari, pamoja na shukrani zao za dhati, wameahidi kuendelea kuunga mkono juhudi kubwa zinazofanywa na Serikali katika kuinua kiwango cha Elimu nchini.