Nanyumbu na Tunduru ni zaidi ya watoto mapacha

Posted on: May 1st, 2018

Katika kuazimisha Sherehe za Mei Mosi Chama cha Walimu Nanyumbu kilipata mwaliko toka kwa majirani zao wa Chama cha Walimu Tunduru ambao pamoja na shamrashamra za hapa na pale walimalizia sherehe zao kwa kupimana ubavu katika viwanja vya michezo mjini Tunduru. Timu ya Walimu wa Nanyumbu iliumana vikali na timu ya majirani zao Tunduru katika mchezo wa vuta nikuvute ambao walitoka suluhu ya kutofungana. 

Mgeni rasmi wa mchezo huo Katibu Tawala wa Wilaya ya Tunduru Ndg. Ghaibu Lingo amezipongeza timu zote kwa kucheza mchezo wa amani na utulivu. Aidha, Wilaya hizi mbili zimeahidi kuendeleza mahusiano mazuri katika nyanja mbalimbali ikiwemo michezo. Kaimu Mkurugenzi Mtendaji wa Wilaya ya Tunduru Ndg. Jonathani A. Haule akiwapongeza wafanyakazi baada ya mechi hiyo ya kirafiki amesisitiza umoja na mshikamano baina ya Wilaya hizi mbili. Kwa upande wa Nanyumbu wakiwakilishwa na Mkuu wa Msafara Ndg Lwoga Musijaki PM (Afisa Elimu Sekondari) wameahidi kuendeleza na kudumisha ujirani mwema. Wafanyakazi wa Wilaya ya Tunduru wanategemea kuitembelea Nanyumbu wakati wowote kuanzia sasa.