Nanyumbu kuendesha zoezi la uboreshaji wa daftari la kudumu la wapiga kura awamu ya pili

Posted on: April 30th, 2020

Afisa Mwandishi wa Jimbo la Nanyumbu Ndg. Hamis H. Dambaya akizungumza na waboreshaji wa Daftari la Kudumu la Wapiga kura

Na, Lunanilo L. Ngela

Katika Semina hiyo iliyofanyika mapema leo katika Shule ya Sekondari Mangaka, Ndg. Hamis H. Dambaya amesema kuwa zoezi hilo litafanyika kwa siku tatu kuanzia Tarehe 02/05/2020 hadi 04/05/2020 katika Wilaya ya Nanyumbu.

Zoezi litawalenga wananchi wenye sifa za kupiga kura ambao hawakuandikishwa awamu ya kwanza, wapiga kura wanaohamisha taarifa zao kutokana na kuhamia vituo vingine, wapiga kura waliopoteza kadi ikiwa ni pamoja na kurekebisha taarifa zenye kasoro.

Aidha, Daftari la Kudumu la Wapiga Kura litabandikwa Tarehe 01/05/2020 katika vituo vyote ambavyo wapiga kura walijiandikishia katika awamu ya kwanza, hivyo wananchi wanasisitizwa kwenda kuhakiki taarifa zao katika vituo hivyo.

Katika semina hiyo Hakimu Mkazi wa Mahakama ya Nanyumbu Mhe. Faraja Mbena amewaapisha Kiapo Cha Utii waboreshaji wa Daftari la Kudumu la wapiga kura.