Mkurugenzi wa Taasisi ya CTA, Ndugu. ALISTIDIA KAMUGISHA Akitoa elimu jinsi ya kutokomeza ukatili Dhidi ya watoto na Ukatili wa kijinsia.

Posted on: December 23rd, 2024

Na, Airin Lipuka

Mkurugenzi Mtendaji wa taasisi ya CTA (Community Transformation Alliance), Ndugu Alistidia kamugisha, ametoa  mwendelezo wa elimu  jinsi ya kutokoeza ukatili dhidi ya watoto na ukatili wa kijinsia kwa ngazi ya familia, shule na jamiii kwa ujumla mbele ya wadau wa ulinzi wa mtoo na shule salama katika mkutano uliofanyika disemba 18,2024 shule ya secondary mangaka.

Akitoa elimu hiyo, mkurugenzi. Kamugisha alieleza namna gani mtoto anatakiwa kulindwa katika ngazi ya familia, shule na hata majumbani, namna gani shule inatakiwa kuwa salama ili mtoto aweze kupata elimu bora. Sambamba  na  kuhamasisha mahusiano mazuri kati ya walimu, wazazi, wanafunzi na jamii kwa lengo la kuwezesha mtoto kupata elimu bora.

Aidha, mkurugenzi alitoa shukrani za dhati kwa serikali, wazazi, walimu wa nanyumbu  kwa namna ambavyo wamekuwa pamoja katika kutokoeza jambo hilo.

Kwa upande wa wadau, mwanafunzi neema Omari wa darasa la sita katika shule ya msingi nachuura yeye kawashauri wanafunzi wenzie kuwa mara wapatapo matukio ya ukatili wasisite kutoa taarifa kwa walimu wao au wazazi wao. Na kuwataka wazazi ambao wanafanya ukatili kwa watoto waache.

Ndugu Rashidi mohamedi madola, yeye ni mmoja wa wazazi  ambaye ameiomba serikali na taasisi kama CTA kuendelea kutoa elimu kuhusu mambo ya ukatili, sambamba na kupunguzwa adhabu ya viboko mashuleni.

Afisa ustawi wa jamii(W), Ndugu fanuel Augustine  machumu  yeye pia ameishukuru serikali sambamba na taasisi ya CTA kwa mwendelezo wa utoaji elimu  ya kutokomeza ukatili kwa watoto, kutokana na elimu hiyo imesaidia kupunguza matendo ya ukatili katika halmashauri ya nanyumbu sambamba na kuongeza uelewa kwa walimu, wazazi na jamii. . Kwani kwa takwimu inaonyesha kuwa kwa kipindi cha oktoba-disemba 2024 ni watoto 14 ambao wamefanyiwa ukatili kati yao ke ni6, me ni 8.