Mkurugenzi Mtendaji Nanyumbu atowa shukrani kwa Mh. Rais John Pombe Magufuli

Posted on: March 28th, 2018

Mkurugenzi Mtendaji wa Wilaya ya Nanyumbu Ndg. Hamisi H. Dambaya akitazama dawa zilizoletwa na MSD kwa ajili ya Zahanati ya Nandete wakati ailipokuwa ziara ya kikazi kukagua ujenzi wa jengo jipya katika zahanati Nandete. Mkurugenzi huyo amesema sasa hivi MSD wanapeleka dawa moja kwa moja Zahanati na vituo vya Afya tofauti na utaratibu wa mwanzo ambao dawa zilikuwa zinafika wilayani kwanza na kuanza mchakato wa kuzisambaza vituoni ambao ulipelekea dawa kutofika vituoni kwa wakati. Aidha, Rais wa Jamhuri ya Muungano wa Tanzania Mh. Dr John Pombe Magufuli kwa kuliona hilo akaagiza kuondolewa kwa usumbufu huo na kwamba vituo vipewe nguvu ya kununua dawa moja kwa moja MSD na kufanya dawa kupatikana vituoni kwa wakati.

Ofisi ya Habari Nanyumbu ilifanikiwa kuzungumza na baadhi ya watendaji wa Zahanati ambao na wao pia waliishukuru Serikali kwa kuanzisha utaratibu huu wa vituo kununua dawa moja kwa moja Bohari kuu (MSD) na kupelekewa moja kwa moja vituoni kwani hii nimesaidia vituo kupata dawa wanazozitaka kulingana na mahitaji yao ikiwa ni pamoja na kupata dawa kwa wakati. Aidha, baadhi ya wananchi wakitoa mawazo yao wamesema kuwa sasa hivi kuna maboresho katika upatikanaji wa dawa vituoni ukilinganisha na kipindi kilichopita ambacho vituo vilikuwa vinakaa mda mwingi bila dawa.