KAMATI YA USHAURI YA WILAYA (DCC) YAJADILI NA KUPITISHA RASIMU YA MPANGO NA BAJETI YA 2025/2026.

Posted on: March 5th, 2025

Kamati ya Ushauri ya Wilaya ya Nanyumbu (DCC) imejadili na kupitisha Mapendekezo ya Rasimu ya Mpango wa Bajeti yenye jumla ya kiasi cha shillingi 30,969,799,600.42 kwa mwaka wa fedha 2025/2026.

Akifungua kikao hicho leo Marchi 04, 2025 katika ukumbi wa Mikutano wa Halmashauri ya Wilaya ya Nanyumbu mwenyekiti wa Kamati ya Ushauri ya Wilaya Ambaye pia ni Mkuu wa Wilaya ya Nanyumbu Mhe. Cristopher E.Magala alieleza kuwa lengo la kikao hicho ni kujadili na kupitisha mapendekezo ya bajeti kwa mwaka wa fedha 2025/2026 sambamba na kuridhia taarifa ya Upatikanaji wa Eneo la kuanzisha shamba la miti ekari 2151.8 kutoka kijiji cha Ndechela.

Rasimu ya mapendekezo ya Bajeti imewasilishwa na Mkuu wa Idara ya Mipango na Uratibu Bw, Rudrick B. Charles kwa niaba ya Mkurugenzi wa Halmashauri ya Wilaya ya Nanyumbu.

Bw Rudrick B.Charles alifafanua kuwa Halmashauri inatarajia kukusanya na kutumia jumla ya Tsh30,969,799,600.42 kati ya fedha hizo Matumizi ya mishahara ya Watumishi ni  Kiasi cha Shilingi 17,9733,628,000.00 sawa na asilimia 58, Matumizi Mengineyo ni Tsh. 3,728,036,400.25 sawa na asilimia 12 na matumizi ya Miradi ya Maendeleo ni Tsh. 9,268,35,200.17 sawa na Asilimia 30.(ikiwa ni fedha za ndani na fedha za nje)

Wajumbe wa kamati wamepata nafasi ya kupitia,na Kujadili Mapendekezo na hatimaye kwa kauli moja Kuridhia kupitisha rasimu hiyo ya bajeti kwenda katika ngazi nyingine. Sambamba na  kupitisha taarifa ya Upatikanaji wa Eneo la kuanzisha shamba la miti katika kijiji cha Ndechela. Kamati hiyo pia ilitoa pongezi kwa Menejimenti ya Halmashauri ya Wilaya chini ya  Mkurugezi Mtendaji Ndugu Ibrahim Mwanauta kwa kuandaa bajeti nzuri ambayo ina  vipaumbele vyote ambavyo  vitaenda kujibu changamoto  mbalimbali za wananchi.

Mwenyekiti wa kikao hicho ametamatisha kwa kuwashukuru wajumbe wote kwa kushiriki na kutoa michango yao katika rasimu hiyo.