BARAZA LA MADIWANI NANYUMBU LAKETI KUJADILI TAARIFA ZA MAENDELEO YA KATA KWA ROBO YA PILI 2024/2025.

Posted on: January 26th, 2025

Na, Airin Lipuka

Mwenyekiti wa Halmashauri ya Wilaya ya Nanyumbu Mhe. Benjamin Masimbo mapema januari 24/2025 ameongoza Mkutano wa Baraza La Madiwani uliofanyika katika ukumbi wa Maktaba katika shule ya sekondari Naishero ili kupokea na kujadili taarifa za wenyeviti wa kamati za maendeleo ya kata katika robo ya pili 2024/2025.

Wajumbe wa Mkutano huo walijadili taarifa za kata 17 za Halmashauri ya Wilaya ya Nanyumbu na Kamati za kudumu za Halmashauri, ikiwemo kamati ya fedha, utawala na mipango, kamati ya elimu,afya na maji, kamati ya kudumu za uchumi, ujenzi na mazingira pamoja na kamati ya kudhibiti ukimwi , Pamoja na taarifa za taasisi mbalimbali ikiwemo TANESCO, TARURA huku wakitoa maelekezo mbalimbali kwa kata, kamati na taasisi hizo ili kuhakikisha maendeleo yanapatikana kwa haraka.

Katiika Mkutano huo Mwenyekiti wa Halmashauri ya Wilaya ya Nanyumbu, Mhe Benjamin Masimbo alipata nafasi ya kujibu Maswali ya papo kwa papo kutoka kwa wajumbe wa Mkutano na wajumbe Kuridhishwa na majibu hayo. Pia Mwenyekiti wa mkutano alipokea wazo kutoka kwa Diwani wa Kata ya Kamundi Mh Elevan Sylivesta Musa kuhusu kwenda kutembelea mradi wa maji wa mto Ruvuma (chanzo chake kipo Masuguru na tanki lipo Sengenya) kwa ajili yakuoona Maendeleo yake.

Aidha, Mkuu wa Wilaya ya Nanyumbu mhe. Christopher Magala Alitumia nafasi aliyopewa na mwenyekiti wa Mkutano huo kuhimiza mambo mbalimbali, ikiwemo Kusimamia uripoti wa watoto Mashuleni, Taasisi za Umma Kutumia Nishati safi na kuachana na matumizi ya kuni na utoaji wa chakula Mashuleni ili kupunguza utoro Kwa wanafunzi, Kuhamasisha wananchi wajitokeze katika zoezi la uboreshaji wa daftari la wapiga kura litalofanyika ndani ya siku saba (7) Kuanzia tarehe 28/1/2025 Mpaka 3/2/2025, pia alihimiza wakulima kulima mazao ya muda Mfupi yatakayoendana na wastani wa Mvua. Pia Alikemea swala la Mkulima kubadiliishiwa malipo katika Mnada na kuwataka wajumbe kama Kuna Mkulima mwenye changamoto hiyo awasilishe Taarifa katika ofisi ya Mkuu wa wilaya.