WIZARA YA KATIBA NA SHERIA YATOA MAFUNZO NA ELIMU KWA VIONGOZI NANYUMBU.

Posted on: January 30th, 2025

Serikali kupitia Wizara ya Katiba na Sheria tarehe 30/1/2025 imeendesha Mafunzo Na Utoaji wa Elimu ya Katiba, Uraia na Utawala bora Kwa Viongozi Mbalimbali wa Halmashauri ya Wilaya Nanyumbu Kuanzia ngazi ya Wilaya Mpaka Kata ikiwemo  Kamati ya Usalama ya Wilaya, CMT, na Watendaji kata yaliyofanyika katika Ukumbi wa NAISHERO MANGAKA.

Mafunzo hayo yanaenda sambamba na Kampeni ya Msaada wa Kisheria ya mama Samia yanayoendelea kutoa huduma kwa wananchi katika kata na vijiji.

Wakizungumza katika mafunzo hayo, wawezeshaji  wa huduma za kisheria walibainisha mada zinazotolewa katika mafunzo hayo ikiwa pamoja na  Ulinzi na Usalama, Haki na wajibu wa jamii, utawala bora, ushirikishwaji wa wananchi katika uibuaji wa miradi ya maendeleo Ambapo walieleza kuwa lengo kubwa ni kuendelea kuboresha Utekelezaji wa Mjukumu ya kila siku.

Aidha akifungua mafunzo hayo mkuu wa Wilaya Mhe. Cristopher E. Magala amesema kutokana na changamoto  nyingi zinazokumba  viongozi na jamii katika utekelezaji wa haki, ikiwemo uelewa mdogo  wa msingi ya haki, Amewataka wanufaika wa Mafunzo hayo kwenda kubadilisha jamii katika msingi  wa Haki.

"Mafunzo haya yatafungua ufahamu wetu wa namna bora ya kushauri na kuongoza watu wetu, ofisi zetu zinatakiwa kuwa  msaada na kimbilio kwa wananchi, sisi viongozi tujiulize tunafanyaje kazi na tunapaswa tufanyeje kazi baada ya kupata Elimu hii. Alimalizia mhe. Magala na kufunga Mafunzo hayo.

https://www.instagram.com/p/DFdU56mIaUB/?igsh=anl0NTV5N2ptZndi