Wasimamizi Wasaidizi wa Uchaguzi Nanyumbu Wapigwa Msasa Kuelekea Uchaguzi Mkuu 2025

Posted on: August 6th, 2025

Msimamizi wa Uchaguzi Jimbo la Nanyumbu akifunga mafunzo katika ukumbi wa Halmashauri ya Nanyumbu

Na; Lunanilo Ngela 

Msimamizi wa Uchaguzi Jimbo la Nanyumbu, Ndg. Juma Rajabu Njaro, amefunga rasmi mafunzo ya siku tatu kwa Wasimamizi Wasaidizi wa Uchaguzi ngazi ya Kata yaliyofanyika Agosti 4 hadi 6, 2025 katika Ukumbi wa Halmashauri ya Wilaya hiyo, kwa lengo la kuwajengea uwezo washiriki kuelekea Uchaguzi Mkuu wa Rais, Wabunge na Madiwani unaotarajiwa kufanyika Oktoba 29, 2025.

Akizungumza wakati wa kufunga mafunzo hayo, Ndg. Njaro aliwataka washiriki kutekeleza majukumu yao kwa kuzingatia weledi, Katiba ya Jamhuri ya Muungano wa Tanzania, sheria, kanuni na miongozo ya Tume Huru ya Taifa ya Uchaguzi, ili kuhakikisha uchaguzi unafanyika kwa haki, amani na utulivu.

“Mnao wajibu mkubwa wa kuhakikisha mnasimamia kwa ufanisi, uadilifu nauaminifu mchakato wa uchaguzi ili kutoa matokeo yanayoakisi matakwa yawananchi,” alisema Njaro.

Miongoni mwa maeneo muhimu ambayo washiriki walijengewa uwezo katika mafunzo hayo ni pamoja na kuzifahamu sheria mpya mbili zikiwemo: Sheria ya Uchaguzi waRais, Wabunge na Madiwani Na. 1 ya Mwaka 2024, na Sheria ya Tume Huru ya Taifaya Uchaguzi Na. 2 ya Mwaka 2024.

Washiriki wa mafunzo hayo waliipongeza Tume Huru ya Taifa ya Uchaguzi kwa kuwawezesha kupatiwa mafunzo muhimu, huku wakiahidi kutekeleza majukumu yao kwa uadilifu na kwa kuzingatia Katiba, Sheria, Kanuni na Miongozo yote ya uchaguzi.

"KURA YAKO HAKI YAKO JITOKEZE KUPIGA KURA"