Timu ya KILI FC ya Mangaka wilayani Nanyumbu yatinga Robo Fainali

Posted on: February 14th, 2018

Timu ya mpira wa miguu ya Kili FC ya Mjini Mangaka leo imeibuka kidedea baada ya kufanikiwa kuingia Robo Fainali katika Ligi Daraja la tatu la Mkoa wa Mtwara. Katika mchezo wao wa vuta nikuvute uliochezwa Mjini Mangaka kati ya Timu ya Kili FC na Mwena FC ya Mji mdogo wa Ndanda wilayani Masasi uliomalizika kwa sare ya goli tatu kwa tatu na kuzifanya timu hizo kuwa na pointi tano tano huku zikiziacha timu nyingine nyuma. Vijana wa Timu ya Kili FC wamewaahidi mashabiki wote na wananchi wote wa Wilaya ya Nanyumbu kuwa Ushindi ni wao na hivyo waendelee kuiombea timu yao. Aidha, kwa upande wa mashabiki ambao waliufunga mji wa Mangaka kwa Kidedea cha kumtoa nzi kwenye msosi wamesema Wilaya Nanyumbu itaendelelea kushinda katika ligi hii kwani wachezaji wake wamepikwa vizuri na wapo tayari kuuleta ushindi wilayani Nanyumbu.

MUNGU IBARIKI TANZANIA, MUNGU IBARIKI NANYUMBU