Taasisi za WAJIBU na MTWANGONET wahamasisha wananchi Kijiji cha Amani kushiriki Ujenzi wa Miundombinu ya Shule

Posted on: July 15th, 2023

Afisa Ufuatiliaji na Tathmini wa Taasisi ya WAJIBU Bi. Tekla Mleleu (wa pili kulia) na Mkurugenzi wa Shirika la MTWANGONET Bi. Fidea Ruanda (wa tatu kulia) wakiwa katika picha ya pamoja na wananchi wa Kijiji cha Amani

Na; Lunanilo Ngela

Mkurugenzi wa Shirika la MTWANGONET (Mtwara Non-Governmental Organization Network) Bi. Fidea Ruanda na Afisa Ufuatiliaji na Tathmini wa Taasisi ya WAJIBU Bi. Tekla Mleleu, wamewahamasisha wananchi wa Kijiji cha Amani Wilaya ya Nanyumbu kushiriki kikamilifu katika ujenzi wa miundombinu ya shule ya Msingi Magomeni katika Kijiji hicho.

Viongozi hao wa Mashirika Yasiyokuwa ya Kiserikali yanayotekeleza Mradi wa Uwajibikaji Awamu ya Pili (Audit Accountability Initiative Project- Phase II) katika Shule za Msingi Magomeni na Lipupu, wakizungumza na wakazi wa Kijiji cha Amani Julai 15, 2023, wameeleza nia ya Taasisi zao kuwa ni kuiunga mkono Serikali katika Ujenzi wa Miundombinu ya Shule.

Naye Mwenyekiti wa Kijiji cha Amani Ndg. Galus Mmuni pamoja na wananchi wa Kijiji hicho wameeleza namna walivyojipanga kukamilisha ujenzi wa madarasa kufikia hatua ya boma ili kuiomba serikali kuendelea na hatua ya umaliziaji (finishing) ya madarasa hayo.

Afisa Mradi wa Uwajibikaji Awamu ya Pili (Audit Accountability Initiative Project- Phase II) Ndg. Deogratius Makoti akizungumza na wananchi wa Kijiji cha Amani

Kaimu Afisa Elimu wa Shule za Awali na Msingi Ndg. Seif Chilumba akijibu maswali mbalimbali ya wananchi wa Kijiji cha Amani katika Mkutano uliofanyika Shule ya Msingi Magomeni

Ndg. Juma Njaro ambaye pia ni Afisa Maendeleo ya Jamii katika Wilaya Nanyumbu akizungumza na washiriki wa Mkutano

Afisa Elimu (Mahitaji Maalum) Ndg. Ahmad Swalehe ameitaka jamii kutowanyanyapaa Watoto wenye mahitaji maalum na badala yake kuwapeleka shule kwani wana haki ya kupata Elimu

Kaimu Mthibiti Ubora wa Elimu Wilaya ya Nanyumbu Ndg. Juma Ally amewahamasisha wananchi kuhakikisha Watoto wanapewa chakula ili kuwawezesha Watoto hao kusoma vizuri

Wananchi wa Kijiji cha Amani wakichangia hoja katika Mkutano huo uliofanyika Shule ya Msingi Magomeni