RC Byakanwa afanya Ziara ya kikazi Nanyumbu

Posted on: November 7th, 2019

Mkuu wa Mkoa wa Mtwara Mhe. Gelasius Byakanwa akiwa ameongozana na Mkuu wa Wilaya ya Nanyumbu Mhe. Moses J. Machali

Na, Lunanilo L. Ngela

Mkuu wa Mkoa wa Mtwara Mhe. Gelasius Byakanwa amewasili wilayani Nanyumbu kwa ziara ya kikazi ya siku mbili.

Katika ziara yake Mhe. Byakanwa ametembelea Mradi wa Maji Nandete na kutoridhishwa na utendaji kazi wa Mkandarasi aliyekabidhiwa Mradi huo ambaye pia hakuwepo eneo la kazi. Aidha, ameliagiza Jeshi la Polisi kumtafuta Mkandarasi huyo.

Mkuu wa Mkoa ameuagiza uongozi wa Wilaya ya Nanyumbu kufanya ukaguzi wa miradi yote ya Maji ili kubaini Miradi yenye mashaka na kutoa ushauri kwa Wizara.

Akizungumzia suala la korosho katika Mkutano uliofanyika Nandete na Chipuputa, Mkuu wa Mkoa amesema kuwa tayari wanunuzi wamekwisha vilipa Vyama vya Msingi fedha za wakulima waliouza korosho katika mnada uliofanyika Tarehe 31/11/2019. Aidha, amewaonya viongozi wa vyama vya Msingi kutojihusisha na ubadhilifu wa fedha za wakulima.

Ziara ya Mkuu wa Mkoa imekamilika leo kwa kutembelea Ujenzi wa Stendi Mpya ya Kisasa ya Mabasi Mangaka, shamba la Ufuta la Wilaya ikiwa ni pamoja na kuzungumza na wananchi.