Nanyumbu yaingiziwa Milioni 400 kukarabati kituo cha Afya Mtambaswala

Posted on: July 10th, 2018

Kamati ya Fedha, Utawala na Mipango (FUM) ikiwa katika kikao chake cha kawaida kilichofanyika Tarehe 10/Julai/ 2018 katika ukumbi wa Halmashauri ya Wilaya ya Nanyumbu

Halmashauri ya Wilaya ya Nanyumbu imepokea fedha kutoka Ofisi ya Rais TAMISEMI kiasi cha shilingi 400,000,000/= (milioni mia nne) kwa ajili ya ukarabati wa kituo cha Afya Mtambaswala. Fedha hizo zimeletwa na Serikali ikiwa ni kwa ajili ya kutekeleza mkakati wa Serikali wa kuboresha miundombinu ya vituo vya Afya ili viweze kutoa huduma mbalimbali ikiwemo huduma za dharula za upasuaji kwa akina mama wajawazito. Ujenzi huu unatarajia kukamilika ndani ya wiki ishirini tangu tarehe 01/Julai/2018

Miundombinu itayayojengwa kwa fedha hii ni:-

• Jengo la upasuaji
• Wodi ya akina mama
• Wodi ya watoto
• Mfumo wa kuhifadhia maji ya mvua
• Jengo la X-ray
• Wodi ya wanawake na
• Chumba cha kuhifadhia maiti

Kukamilika kwa miundombinu hii kutafanya kituo cha Afya Mtambaswala kuwa miongoni mwa vituo bora zaidi vya Afya Wilayani Nanyumbu. Wilaya ya Nanyumbu ikishirikiana na wananchi inaendelea na ukarabati wa Hospitali ya Mangaka ikiwa ni pamoja na ujenzi wa vituo vya afya na zahanati vijijini.

Diwani wa Kata ya Masuguru Mh. Benjamini Masimbo ameishukuru sana Serikali kwa kupeleka fedha hizo za ukarabati katika kituo cha Afya Mtambaswala. Aidha, amewaomba wananchi kushirikiana katika ujenzi huu ili kukifanya kituo cha Afya cha Mtambaswala kuwa kituo bora zaidi Wilayani Nanyumbu. Pamoja na ukarabati wa kituo hiki cha Afya kata ya Masuguru inaendelea na ujenzi wa Shule ya Sekondari Masuguru ambao upo katika hatua ya Umaliziaji.