Nanyumbu Kuimarisha uchumi wa Viwanda

Posted on: May 13th, 2017

Mkuu wa Wilaya ya Nanyumbu Ndg Joackim Wangabo amesema, Halamashauri ya wilaya ya Nanyumbu imejipanga vizuri katika kutekeleza agizo la Mh.Rais wa Jamhuri ya Muungano wa Tanzania Dr.John Pombe Magufuli la kuimarisha uchumi wa Viwanda kwa kutenga Eneo la Hekta 40 kwa wawekezaji wakubwa na wadogo, hayo yalisemwa wakati akisoma risala katika makabidhiano ya Mwenge wa Uhuru kutoka Halmashauri ya Wilaya ya Nanyumbu kwenda Halmashauri ya Wilaya ya Masasi Mji.

Pia katika taarifa hiyo aliwashukuru wakimbiza mwenge kitaifa na Wananchi wa Halmashauri ya Wilaya ya Nanyumbu kwa kujitokeza katika Maeneo mbalimbali wakati  Mwenge wa Uhuru ulipoo kimbizwa kwa kilomita 90 na kuweka mawe ya msingi Miradi 2, kukagua na kuona Miradi 3, kuzindua Mradi 1 na kufungua Mradi 1; kufanya jumla ya miradi yote kuwa 7 yenye thamani ya  Tsh 404,953,556 kwa mchanganuo ufuatao;- Wananchi Tsh 73,313,600, Halmashauri Tsh236,639,956, Serikali kuu Tsh 85,000,000 na Wahisani Tsh10,000,000