Mwenyekiti wa UWT Taifa aacha tabasamu Nanyumbu

Posted on: July 23rd, 2023

Katika picha ni Mwenyekiti wa UWT Taifa Ndg. Mary Chatanda (wa pili kulia) akikagua ujenzi wa nyumba ya Katibu wa UWT Wilaya ya Nanyumbu, kulia ni Mkuu wa Wilaya ya Nanyumbu Mhe. Mariam Chaurembo

Na, Lunanilo Ngela

Wananchi wa Wilaya ya Nanyumbu wamempokea kwa shamrashamra Mwenyekiti wa Umoja wa Wanawake wa Chama Cha Mapinduzi Tanzania Ndg. Mary Pius Chatanda, wakati alipotembelea Wilaya hiyo Julai 23, 2023 kwa ziara ya siku moja kukagua utekelezaji wa Ilani pamoja na kuzungumza na wananchi

“Nimewapenda bure” Alisema Ndg. Chatanda akifurahia umati wa wananchi wa Nanyumbu waliofurika kumpokea katika vijiji na vitongoji mbalimbali alivyotembelea kuona na kushiriki shughuli mbalimbali za maendeleo

Katika ziara hiyo Mwenyekiti wa UWT Taifa aliongozana na Ndg. Zainab Khamis Shomari Makamu Mwenyekiti UWT (Zanzibar), Dr. Phillis Nyimbi Katibu Mkuu wa UWT Taifa, Ndg. Riziki Kingwande Naibu Katibu Mkuu wa UWT Bara, Ndg. Tunu Juma Kondo Naibu Katibu Mkuu wa UWT Zanzibar pamoja na Kamati ya Utekelezaji ya Baraza Kuu la UWT Taifa

Mwenyekiti wa UWT Taifa ametoa pongezi za dhati kwa Mkuu wa Wilaya ya Nanyumbu, Uongozi wa CCM Wilaya, Mbunge wa Jimbo, Watendaji wa Serikali, wanachama wa CCM pamoja na Wananchi kwa ujumla kwa kutekeleza miradi mbalimbali ya Maendeleo ikiwemo Ujenzi wa Miundombinu ya Elimu, Afya, Barabara, Umeme na Maji

Akizungumzia mafanikio ya awamu ya sita katika utekelezaji wa Miradi ya Maendeleo pamoja na Utoaji wa Huduma za Kijamii, Cde Chatanda amesema kuwa UWT ina Imani na Rais wa Jamhuri ya Muungano wa Tanzania Mhe. Dkt. Samia Suluhu Hassan na kwamba watamchukulia fomu ya kugombea Urais 2025 ili kukamilisha Miradi ya Kipaumbele na ya Kimkakati anayoitekeleza

Naye Mkuu wa Wilaya ya Nanyumbu Mhe. Mariam Khatibu Chaurembo pamoja na Mbunge wa Jimbo la Nanyumbu Mhe. Yahya Ally Mhata wametoa shukrani za pekee kwa Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuipatia Wilaya hiyo Mabilioni ya fedha za Miradi ikiwemo zaidi ya Bilioni 58 zinazotekeleza miradi ya maji

Mwenyekiti wa UWT Taifa akikagua shughuli za ugawaji wa pembejeo za Kilimo

Mwenyekiti wa UWT Taifa (Kulia) akisalimiana na Mwenyekiti wa CCM Wilaya ya Nanyumbu Cde. Rashid Ally Mrope pamoja na Katibu wa CCM Wilaya Ndg. Salome Luhingulanya

Kutoka Kushoto ni Mbunge wa Jimbo Mhe. Yahya Mhata, Mwenyekiti wa CCM Wilaya Cde. Rashid Mrope, Mkuu wa Wilaya Mhe. Mariam Chaurembo, Mwenyekiti wa Halmashauri Mhe. Benjamin Masimbo na Mkurugenzi Mtendaji Ndg. Ibrahim Mwanauta wakifurahia ziara ya Mwenyekiti UWT Taifa

Mwenyekiti wa UWT Wilaya ya Nanyumbu Ndg. Hadija Alphani Hamisi akizungumza katika mkutano Kijiji cha Mikangaula

Mwenyekiti wa UWT Taifa akisalimiana na Katibu wa UWT Wilaya ya Nanyumbu Cde. Halima Iddi Tina

Mkuu wa Wilaya ya Nanyumbu (wa tatu kushoto) na Mkurugenzi Mtendaji wa Halmashauri (wanne kushoto) wakiwa katika picha ya pamoja na Wakuu wa Divisheni na Vitengo Halmashauri