Mkuu wa Wilaya ya Nanyumbu Ndg. Joachim Wangabo awataka Wakala wa misutu wilaya ya Nanyumbu kutumia ndenge ili kuwaondoa Wafugaji katika hifadhi ya Msitu ya Mbangala mbuyuni.

Posted on: July 1st, 2017

Wakati akipokea taarifa ya kuwaondoa wafugaji walioingia ndani ya Wilaya kinyume na taratibu na kupongeza uzalendo na ushirikiano ambao umeonyeshwa katika kufanikisha zoezi hilo lililohusisha ofisi ya Mkuu wa Wilaya,Jeshi la polisi, Jeshi la Akiba,Ofisi ya Mkurugenzi, Wakala wa Misutu na Wenyeviti wa Vitongoji . Wafugaji  Zaidi ya 31 wameondolewa kati ya 55 kwa muda wa siku kumi katika kata za Nanyumbu, Masuguru na Mkonona;  amesema kulikuwa na aina mbili za wafugaji ambao ni wafugaji wakubwa wanaomiliki ng’ombe kuanzia 100 hadi 1000 hawa walikuwa wakijishughulisha na ufugaji tu na kundi la pili ni wafugaji wadogo wanaomiliki ng’ombe chini ya 100 ambao pia walijishughulisha na kilimo pamoja na uchomaji mkaa wote hao wameondolewa. Vilevile amewataka wanchi kuondoka katika Eneo hilo kwa kuwa ni eneo halali ambalo limetegwa kwa ajili ya Hifadhi ya Misitu na si kwa shughuri za Kibinadamu kama ilivyo kwa sasa na kuhamia katika vijiji vya jilani. Alimaliza kwa kuwataka Wakala wa misitu Tanzania (TFS) kuwasiliana na Meneja wa hifadhi Pori la Lukwika ili kupata ndege ambayo itaweza kuwabaini wafugaji ambao wanasadikiwa kujificha katika Hifadhi ya Msitu ya Mbangara Mbuyuni.