MAFUNZO YA UHUISHAJI WA KANZIDATA YA WAKULIMA WA KOROSHO KWA MWAKA 2024/2025 YATOLEWA WILAYANI NANYUMBU.

Posted on: February 17th, 2025

Bodi ya Korosho Tanzania  kwa Kushirikiana  na Halmashauri ya Wilaya Nanyumbu Leo tarehe 17 February 2025 imefanya Mafunzo kwa Vitendo ya Matumizi ya Vifaa vya Kielektroniko (Vishikwambi) Kwaajili ya Uhuishaji wa Kanzidata ya Wakulima wa Korosho kwa Mwaka 2024/2025 Katika Ukumbi wa Halmashauri ya Wilaya.

Mafunzo hayo yametolewa siku moja (1) kwa Maafisa Ugani Kilimo wa Jenga kesho iliyobora Katika zao la Korosho (BBT Korosho) na Maafisa Ugani Kilimo  wa Halmashauri ngazi ya Kata (WAEOS) Ambapo zoezi hilo la Uhuishaji wa Kanzidata ya Wakulima Litadumu Mpaka tarehe  31 March , 2025.

Jumla ya Washiriki arobaini na tano (45) wamepatiwa Mafunzo hayo ikiwa 23 ni Maafisa  Kilimo  wa Jenga kesho iliyobora Katika zao la Korosho na Waahiriki 22 ni Maafisa Ugani Kilimo kata kutoka  Halmashauri  ya Nanyumbu. Aidha,  Maafisa Ugani hao Walifundishwa pia Mfumo wa kidigitali wa Usambazaji wa Mbolea za ruzuku (Agriculture  input Subsidy System _AISS) Uliopo Mamlaka ya Udhibiti wa Mbolea Tanzania (TFRA).

Akizungumza katika Mafunzo hayo, Mgeni Rasmi,  Kaimu Mkurugenzi Mtendaji wa Halmashauri ya wilaya ya Nanyumbu Ndugu,  Philipo Sengela Aliwashauri Maafisa Kilimo kutoa Elimu kwa Wananchi Kuhusu zoezi hili ili waweze Kushiriki kikamilifu Sambamba na Kuwaasa Washiriki kuwa Waadilifu na Kuzingatia waliofundishwa ili kufanikisha zoezi hili kwa pamoja la Kufikia lengo la Serikali la Maandalizi ya Uzalishaji wa Korosho  ghafi Msimu wa Mwaka 2025/2026.

Mafunzo hayo pia yaliambatana na zoezi la Ugawaji wa Vishikwambi kwa Maafisa Ugani Kilimo wa Jenga Kesho iliyobora katika zao la Korosho  Sambamba na Zoezi la Kusaini Mikataba lililoongozwa na Afisa Udhibiti Ubora,  Ndugu  Desdery J.Karugaba.