Mkutano wa nne wa Baraza la Madiwani Nanyumbu waanza

Posted on: August 18th, 2018

Mwenyekiti wa Baraza la Madiwani Mh. Ahamad B. Mchopa (aliyesimama)  akizungumza katika Mkutano wa Baraza la Madiwani uliofanyika Agosti 18, 2018 katika Ukumbi wa Halmashauri 

Mkutano wa nne wa Baraza la Madiwani wa Halmashauri ya Wilaya ya Nanyumbu umekamilika ikiwa ni siku ya kwanza ya Mkutano huo wa siku mbili utakaokamilika siku ya kesho tarehe 19/Agosti/2018. Waheshimiwa Madiwani wamewasilisha na kujadili taarifa kwa kila kata kwa kipindi cha Aprili - Juni 2018. Kila kata imewasilisha Taarifa ya utekelezaji wa miradi ya maendeleo inayoainisha kazi zote zilizopangwa kutekelezwa, namna zilivyotekelezwa, vyanzo vya fedha ikiwa ni pamoja na changamoto na namna ya kuzitatua. Aidha, taarifa za Huduma za jamii, shughuli za kiuchumi pamoja na ustawi wa jamii zimejadiliwa kwa kina.

Wageni waalikwa wa Mkutano huo akiwepo mgeni Rasmi ambaye ni Mkuu wa Wilaya ya Nanyumbu Mhe. Moses Joseph Machali, Katibu Tawala wa Wilaya ya Nanyumbu Ndugu Salum Palango, Katibu wa Chama cha Mapinduzi Wilaya, pamoja na Viongozi wa vyama rafiki CUF na CHADEMA wamepata nafasi ya kuzungumza na wajumbe katika mkutano huo. Akizungumza katika mkutano huo, Mkuu wa Wilaya amebainisha vipao mbele vya Wilaya ya Nanyumbu katika kipindi cha uongozi wake kuwa ni pamoja na kushughulikia kero ya Maji, Huduma za Afya na Elimu. Mh. Mkuu wa Wilaya ameagiza watendaji katika sekta ya maji kuhakikisha wanachimba visima kwa kasi kwani Halmashauri ina mtambo wa kuchimbia visima.

Mkutano wa Baraza la Madiwani utaendelea kesho katika ukumbi wa Halmashauri ambapo Kamati mbalimbali zitapata nafasi ya kuwasilisha Taarifa za kamati na wajumbe kuzijadili kwa kina