DC Chaurembo azindua Kampeni ya Kupinga Ukatili kwa Wanawake na Watoto

Posted on: July 20th, 2023

Katika Picha ni Mkuu wa Wilaya ya Nanyumbu Mhe. Mariam Chaurembo akizindua Mwongozo wa Kamati ya Ulinzi na Usalama kwa Wanawake na Watoto

Na; Lunanilo Ngela 

Kampeni ya Kupinga Ukatili kwa Wanawake na Watoto imezinduliwa na Mkuu wa Wilaya ya Nanyumbu Mhe. Mariam Khatibu Chaurembo mapema Julai 20, 2023 katika mkutano uliofanyika Shule ya Sekondari Mangaka.

Katika Mkutano huo, Mkuu wa Wilaya amewaeleza wananchi kuwa lengo la uzinduzi huo ni kuunganisha nguvu za wadau na jamii katika juhudi za kutokomeza ukatili kwa wanawake na Watoto.

Mkuu wa Wilaya amewataka wananchi kujiepusha na vitendo vyote vinavyopelekea watoto kukosa haki za msingi ikiwa ni pamoja na kuwachukulia hatua wale wote ambao kwa maksudi wanafanya ukatili kwa wanawake na Watoto.

Nae Mbunge wa Jimbo la Nanyumbu Mhe. Yahya Ally Mhata amewataka wanajamii kuwalea Watoto katika misingi ya mila na desturi za kiafrika ikiwa ni pamoja na kutolitenga kundi la walemavu kwani wana haki ya kupata huduma bora na kuthaminiwa katika jamii.

Katika Mkutano huo Mkuu wa Wilaya amekabidhi baiskeli kwa mlemavu mmoja iliyotolewa na BAKWATA Wilaya ya Nanyumbu.

Uzinduzi wa Kampeni hizo unaongozwa na Kauli Mbiu isemayo “Kutokomeza Ukatili Dhidi ya Wanawake na Watoto Inawezekana”  

Mkuu wa Wilaya ya Nanyumbu Mhe. Mariam Chaurembo (kushoto) akikabidhi Mwongozo wa Kamati kwa Mkurugenzi Mtendaji wa Halmashauri Ndg. Ibrahim Mwanauta

Katika picha ni Afisa Ustawi katika Halmashauri ya Wilaya ya Nanyumbu Ndg. Fanuel Machumu akielezea malengo ya Kampeni

Mwanafunzi Roy Joseph wa Shule ya Msingi Muungano ameshangazwa na kitendo cha wanaume kuwapiga wake zao na kuwataka wanajamii kuishi kwa amani

Washiriki wa mkutano wakisikiliza kwa makini mada zilizotolewa katika Mkutano wa wadau uliofanyika viwanja vya Shule ya Sekondari Mangaka

Wanafunzi wakifuatilia kwa makini mada zilizotolewa katika mkutano

Mwenyekiti wa Kamati ya Huduma za Jamii (Elimu, Afya na Maji) na Mjumbe wa Kamati ya Fedha, Utawala na Mipango katika Halmashauri ya Wilaya Nayumbu Mhe. Thabit Geugeu akifunga Mkutano