Baraza la Wazee Nanyumbu lakutana kuchagua viongozi Wapya

Posted on: August 27th, 2019

Mkurugenzi Mtendaji wa Halmashauri ya Wilaya ya Nanyumbu Ngd. Hamis H. Dambaya akikabidhi vitendea kazi kwa Mwenyekiti Mpya wa Baraza la wazee.

Baraza la Wazee wilayani Nanyumbu limekutana mapema leo na kufanya uchaguzi wa Viongozi wa Baraza hilo ambao watadumu madarakani kwa miaka mitatu tangu sasa.

Viongozi waliochaguliwa ni pamoja na Mwenyekiti wa Baraza la Wazee Wilaya Ndg. Magombo Nyali Sije, Makamu Mwenyekiti Bi. Monica Litanda, Katibu Mkuu Ndg. Charles Mlaponi, Katibu Msaidizi Ndg. Shaibu Chimwasya na Mhasibu Bi. Habiba Wende. Aidha, Baraza hilo pia kimuundo litakuwa na wawakilishi wawili toka Baraza la Madiwani ambao ni Mhe. Shaibu Mmole na Mhe. Sharifa Magalagala.

Majukumu ya Baraza hili ni pamoja na Kutetea Haki za Wazee, Kuboresha mawasiliano kati ya Serikali na Wazee, kuishauri Serikali ikiwa ni pamoja na kuimarisha maadili, amani na mshikamano miongoni mwa wanajamii.

Baraza hili lipo kwa mujibu wa Sheria na litafanya vikao vyake mara nne kwa mwaka.