Baraza la Madiwani Nanyumbu lachagua viongozi wapya 2023/2024

Posted on: August 2nd, 2023

Mwenyekiti wa Halmashauri ya Wilaya Mhe. Benjamin Masimbo akifungua Mkutano wa Mwaka wa Baraza la Madiwani

Na, Lunanilo Ngela

Wajumbe wa Baraza la Madiwani Nanyumbu wamemchagua kwa kishindo Mhe. Yustus Bonamali Mmuni, Diwani wa Kata ya Nandete kuwa Makamu Mwenyekiti wa Halmasahuri ya Wilaya hiyo katika uchaguzi uliofanyika Agosti 02, 2023 ukumbi wa Halmashauri.

Katika uchaguzi huo, jumla ya wapiga kura 21 kati ya 22 wamepiga kura za ndio kwa Mhe. Yustus Mmuni wa Chama Cha Mapinduzi na kumfanya mgombea huyo kuendelea na wadhifa huo kwa awamu ya tatu tangu mwaka 2020.

Baraza la Madiwani limewachagua pia Wenyeviti wa Kamati za Kudumu za Halmashauri ambapo Mhe. Benjamin Raphael Masimbo atakuwa Mwenyekiti wa Kamati ya Fedha Utawala na Mipango (FUM), Mhe. Joseph O. Martin anakuwa Mwenyekiti wa Kamati ya Huduma za Jamii (Elimu, Afya na Maji) huku Mhe. Matindiko A. Matindiko akichaguliwa kuwa Mwenyekiti wa Kamati ya Huduma za Uchumi, Ujenzi na Mazingira.

Katika Baraza hilo Mkurugenzi Mtendaji Ndg. Ibarahim John Mwanauta amewasilisha Taarifa ya Utendaji kazi na Uwajibikaji wa Halmashauri kwa Mwaka wa Fedha 2022/2023 na kujadiliwa na wajumbe wa Mkutano ikiwa ni pamoja na Kupitisha Ratiba ya Vikao vya Halmashauri na Kamati za Kudumu kwa Mwaka wa Fedha 2023/2024

Mkuu wa Wilaya ya Nanyumbu Mhe. Mariam Khatibu Chaurembo akizungumza na wajumbe wa Mkutano huo amesema kuwa, zao la mbaazi katika msimu huu wa 2023/2024 litauzwa kwa mfumo wa stakabadhi ghalani ambapo wanunuzi watanunua katika minada ya wazi.

Wajumbe wa Mkutano wa Baraza la Madiwani wakifuatilia kwa kina taarifa ya Utendaji Kazi wa Halmashauri kwa Mwaka 2022/2023

Mkutano wa baraza la Madiwani ukiendelea katika Ukumbi wa Halmashauri

Mwenyekiti wa Chama Cha Mapinduzi Wilaya ya Nanyumbu Cde. Rashid Ally Mrope na Katibu wa CCM Wilaya Ndg. Salome Luhingulanya wakifuatilia kwa makini Mkutano wa Mwaka wa Baraza la Madiwani

Watendaji mbalimbali wa Serikali wakiwa katika Ukumbi wa Mikutano wa Halmashauri 

Afisa Mipango wa Halmashauri ya Wilaya ya Nanyumbu Ndg. Rudrick Charles akiwasilisha Taarifa ya Utendaji Kazi wa Halmashauri kwa niaba ya Mkurugenzi Mtendaji wa Halmashauri

Watendaji mbalimbali wa Serikali wakiwa katika Ukumbi wa Mikutano wa Halmashauri