Balozi Omari Mapuri afanya ziara ya kukagua vituo vya kupigia kura Kata ya Chipuputa Wilaya ya Nanyumbu

Posted on: March 18th, 2024

Na, Lunanilo Ngela

Mjumbe wa Tume ya Taifa ya Uchaguzi Mhe. Balozi Omari Ramadhan Mapuri ametembelea vituo vya kupigia kura katika Uchaguzi Mdogo wa Udiwani utakaofanyika katika Kata ya Chipuputa Wilaya ya Nanyumbu.

Katika ziara hiyo iliyofanyika Machi 18, 2024 Balozi Mapuri na Msimamizi wa Uchaguzi Jimbo la Nanyumbu Ndg. Ibrahim J. Mwanauta, wametembelea vituo vyote 22 vitakavyotumika katika uchaguzi huo siku ya Jumatano tarehe 20/03/2024.

Mjumbe huyo wa Tume ya Taifa ya Uchaguzi ametembelea na kukagua shughuli mbalimbali za maandalizi ya uchaguzi ikiwemo mafunzo ya Wasimamizi wa Uchaguzzi na Wasimamizi Wasaidizi yaliyofanyika Machi 17 - 18, 2024 katika ukumbi wa mikutano wa Halmashauri.

Nae Msimamizi wa Uchaguzi Jimbo la Nanyumbu Ndg. Ibrahim John Mwanauta amesema kuwa zoezi la upigaji kura litaanza saa 1:00 asubuhi hadi saa 10:00 jioni na hivyo kuwasihi wananchi kushiriki kikamilifu katika zoezi hilo.

 Wananchi wa Kata ya Chipuputa watafanya uchaguzi huo kutokana na kifo cha aliyekuwa diwani wa Kata hiyo Arabi Yusuphu Rabana aliyefajiki Januari 10, 2024.