Nanyumbu yaendelea kuchukua tahadhari dhidi ya corona

Posted on: May 1st, 2020

Katibu Tawala wa Wilaya ya Nanyumbu Ndg. Salum A. Palango (Katikati) na baadhi ya watendaji wa Serikali wilayani Nanyumbu wakitembelea vijiwe vya bodaboda mjini Mangaka

Akizungumza na madereva pamoja na maafisa usafirishaji wilayani humo, Katibu Tawala wa Wilaya Ndg. Salum A. Palango amesema  kuwa jukumu la mapambano dhidi ya Corona ni la kila mwanajamii.

Katibu Tawala huyo akiwa ameongozana na Mkuu wa Usalama Barabarani wa Wilaya Insp. Nicodem Mwaipasi, Afisa Afya wa Wilaya Ndg. Iliasa Matandiko pamoja na Afisa Tarafa Mangaka wamefanya ziara kwenye vijiwe vyote vya bodaboda mjini Mangaka wakiwapima joto na kuwakumbusha madereva hao kujikinga na corona.

Wananchi mbalimbali walijitokeza katika Ziara hiyo na kupima joto ikiwa ni miongoni mwa njia za kupambana na corona. Madereva bodaboda wameagizwa kuweka maji katika vijiwe vyao na kuhakikisha abiria wao pia wananawa mikono.