Karibu Mwenge wa Uhuru Nanyumbu

Posted on: September 27th, 2019

Na, Lunanilo L. Ngela

Mwenge wa Uhuru ni chombo kilichoasisiwa na Baba wa Taifa Mwl. Julius Kambarage Nyerere mwaka 1961 ikiwa ni tunu na ishara ya kuwepo kwa Taifa huru la Tanganyika. Mbio za Mwenge wa Uhuru zilianza rasmi mwaka 1964 baada ya Mapinduzi Matukufu ya Zanzibar na Muungano wa Tanganyika na Zanzibar uliozaa Tanzania.

Mwenge wa Uhuru utawasili wilayani Nanyumbu katika Kijiji cha Lumesule Tarehe 29/09/2019 saa 11:30 Asubuhi ukitokea Wilaya ya Tunduru Mkoa wa Ruvuma.

Miongoni mwa maeneo ambayo Mwenge wa Uhuru utapita ukitokea Lumesule ni pamoja na Kijiji cha Nakopi, Michiga, Mara, Ngalinje na Mjini Mangaka ambako kutakuwa na Mkesha wa Mwenge  wa Uhuru katika viwanja vya stendi ya Mabasi.

Mwenge wa Uhuru kwa Mwaka 2019 ukiwa wilayani Nanyumbu Utafungua mradi mmoja, kukagua miradi miwili na kuzindua miradi minne. Miradi yote saba ina Thamani ya Shilingi 1,071,151,980/=

Kauli mbiu ya Mwenge kwa Mwaka 2019 "MAJI NI HAKI YA KILA MTU, TUTUNZE VYANZO VYAKE NA TUKUMBUKE KUSHIRIKI UCHAGUZI WA SERIKALI ZA MITAA"

WOTE MNAKARIBISHWA