ZIARA YA KAMATI YA FEDHA, UONGOZI NA MIPANGO KATIKA HALMASHAURI YA WILAYA YA NANYUMBU KUTEMBELEA NA KUKAGUA MIRADI MBALIMBALI YA MAENDELEO.

Posted on: January 21st, 2025

Na, Airin Lipuka.

Kamati ya Fedha , Uongozi na Mipango(FUM), ikiongozwa na Mwenyekiti wa kamati ambaye ni Diwani wa kata ya Masuguru, Mh Benjamini R. Masimbo, ilifanya ziara ya kutembelea na kukagua miradi ya maendeleo mitatu (3) katika Halmashauri ya Wilaya ya Nanyumbu siku ya tarehe 21 Januari 2025, na kuona nini kimefanyika katika utekelezaji wa miradi hiyo.

Kamati hiyo ilitembelea na kukagua maendeleo ya mradi wa shule mpya ya sekondari ya kata ya kilimanihewa, jengo la la kupumzikia ndugu wa wagonjwa (majikoni) Hospitali ya mangaka, pamoja na ukarabati wa jengo linalokusudiwa kuwa ukumbi wa mikutano  wa halmashauri ya wilaya Nanyumbu liliopo maeneo ya CDC.

Kamati huangalia utekelezaji wa miradi ya maendeleo kwa kuzingatia mambo mbalimbali, ikiwa ni pamoja na kazi zilizofanywa, usafi wa mazingira katika eneo la miradi ,muda wa utekelezaji wa miradi na matumizi sahihi ya fedha za miradi.

Aidha,  kamati hiyo imeridhishwa na maendeleo ya ujenzi wa miradi hiyo na kumpongeza mkurugenzi mtendaji wa halmashauri ya nanyumbu Ndugu Ibrahimu Mwanautaooo sambamba na wataalamu kwa kusiimamia maendeleo ya miradi hiyo na nakushauri kuwa miradi hiyo ikamilike kwa wakati sahihi ‘Ukaguzi huu wa miradi wa mara kwa mara unasaidia kutambua mapungufu yeyote katika utekelezaji wa miradi,  na hatua za kurekebisha mapungufu hayo huchukuliwa mara moja’. Alieleza mwenyekiti wa kamati Mh. Benjamini R. Masimbo.

 Kamati Fedha, Uongozi na Mipango( FUM) iliongozana na Mkurugenzi Mtendaji wa Halmashauri ya wilaya ya Nanyumbu, Ndugu Ibrahimu Mwanauta, pamoja na wakuu wa  idara ya Halmashauri ya Wilaya ya Nanyumbu.