Wananchi wa Napacho, Nakopi na Michiga wapewa semina ili kuzifahamu Sheria

Posted on: March 2nd, 2018

Ndugu Dickson P. Mwachaha Katibu Mtendaji wa Shirika lisilokuwa la kiserikali la msaada wa kisheria wilayani Nanyumbu Community Harmony and Prosperity Organisation (CHPO) akizungumza na wananchi wa kata ya Napacho katika semina iliyotayarishwa na chama hicho kwa kushirikiana na Taasisi ya kuzuia na Kupambana na Rushwa wilayani Nanyumbu. Lengo la semina hii ni kuwajengea uwezo wananchi juu ya uelewa wa masuala mbalimbali kuhusu Sheria.

Katika semina hiyo watoa maada walikuwa ni Ndg. Hajibu Malima (TAKUKURU), Michael R. Mkumba (M/Kiti CHPO), Daniel Amlima (Msaidizi wa kisheria) pamoja na Dickson P. Mwichaha ambaye ndiye Mratibu wa Shirika hilo wilayani Nanyumbu. Pamoja na semina hiyo, wananchi wa kata ya Nakopi, Napacho na Michiga wameliomba Shirika hilo kuendelea kuwatembelea mara kwa mara ili kuendelea kuwajengea uwezo wa kujua Sheria na namna bora ya kuwa na jamii salama inayotii kanuni na Sheria za nchi. Shirika hili tayari limeshafanya semina kwa kata zaidi ya kumi na linaendelea na kazi yake ili kuhakikisha linafanikiwa kuwafikia wanachi wote wa Wilaya ya Nanyumbu.