UZINDUZI WA ZOEZI LA UTOAJI WA MIKOPO YA ASILIMIA 10 KATIKA HALMASHAURI YA NANYUMBU.

Posted on: January 28th, 2025

Mkuu wa Wilaya ya Nanyumbu  Mhe. Christoher Edward Magala ( Wapili kutoka Upande wa Kulia) amezindua Rasmi zoezi la utoaji wa Mikopo ya Asilimia 10 kwa Vikundi vya Wanawake , Vijana na Watu wenye ulemavu , ambazo ni Fedha za Mapato ya ndani ya Halmashauri na kutoa Hundi  yenye thamani ya Shilingi Milioni Mia Nne Ishirini na Sita Laki Saba na Elfu Sabini na Tano tu, (426,775,000).

Uzinduzi huo umefanyika leo Jumatatu tarehe 27 Januari  katika Ukumbi wa Shule ya Sekondari Mkapa Girls iliyopo Kata ya Mangaka  Halmashauri ya Wilaya Nanyumbu, ikiwa vikundi 102 vilivyokidhi vigezo Katika Uwakiki vimepata mikopo hiyo kwa mchanganuo wa 49 Wanawake,48 Vijana na 5 Walemavu. sambamba na Ugawaji wa  Vitambulisho kwa Wajasiriamali waliokidhi vigezo.

 Nawapongeza sana Vikundi vyote , Fedha hizo mkazitumie kulingana na Malengo mliyojiwekea . Halmashauri imetoa  Fedha kiasi cha Milioni  Mia Nne Ishirini na Sita Laki Saba na Elfu Sabini na Tano (426,775,000/=) kwa makundi matatu , Wanawake , Vijana na Watu wenye Ulemavu, mkazitumie vizuri Ili mkatimize Malengo yenu Sambamba na Kurejesha Marejesho kwa Wakati. Alisema Mhe. Magala

Aidha, Mhe. Magala Aliwataka Maafisa Maendeleo Ambao wanaoshughulikia Mikopo kuendelea kutoa Elimu na kutembelea mara kwa mara katika maeneo ya Vikundi hivyo kuhakikisha shughuli wanazofanya zinaleta tija. Nakushauri kuwepo na Uboreshaji Katika Utoaji wa Mikopo hiyo kwa kuwapa  Vifaa wanavikundi hao ili kuleta ufanisi Zaidi.