Nanyumbu yawavutia washiriki Nanenane Kanda ya Kusini - Lindi

Posted on: August 3rd, 2020

Mkuu wa Wilaya ya Nanyumbu Mhe. Moses J. Machali (kushoto) akitazama bidhaa mbalimbali za wajasiliamali katika banda la Nanyumbu kwenye maonyesho ya nanenane

Na, Lunanilo L. Ngela
Maonyesho ya wakulima Nanenane kwa mwaka 2020 Kanda ya Kusini yamefunguliwa rasmi Agosti 03, katika viwanja vya Ngongo mkoani Lindi ambayo yanahusisha mikoa ya Mtwara na Lindi.

Halmashauri ya Wilaya ya Nanyumbu mkoani Mtwara, ni miongoni mwa Halmashauri zilizoshiriki kikamilifu maonyesho hayo kwa kuonyesha bidhaa na mazao mbalimbali yatokanayo na kilimo, mifugo na uvuvi. Aidha, katika maonyesho hayo washiriki kutoka Nanyumbu wameonyesha ujuzi na uwezo wao mkubwa katika nyanja mbalimbali ikiwemo ufundi, ususi, ufugaji, uvuvi na kilimo.

Ukitembelea banda la Nanyumbu utaona na kujifunza vitu mbalimbali ikiwepo namna ya kuzalisha mazao mbalimbali ikiwemo matunda, ufuta, alizeti, mahindi, mbogamboga na aina mpya ya kabichi nyekundu. Aidha, utajifunza namna ya kufuga samaki, kuzalisha vifaranga vya kuku ikiwa ni pamoja na kupata bidha za ususi ikiwemo vikapu vya asili na kofia.

Maonyesho ya wakulima nanenane kanda ya kusini Lindi yanatarajia kufungwa ifikapo tarehe 08/08/2020.