Nanyumbu yanunua meza na viti kwa ajili ya wanafunzi wa sekondari watakaoanza Januari 2021

Posted on: December 10th, 2020

Mkuu wa Wilaya ya Nanyumbu Mhe. Moses Machali (wa tatu kushoto) akiwa na wajumbe wa Baraza la madiwani Nanyumbu 

Mkurugenzi Mtendaji wa Halmashauri ya Wilaya ya Nanyumbu Ndg. Hamisi Hassan Dambaya mapema leo katika ukumbi wa mikutano wa Halmashauri, amewaeleza madiwani kuwa Halmashauri imetengeneza meza na viti vyenye thamani ya Tsh.83,000,000 kwa ajili ya mapokezi ya wanafunzi wa kidato cha kwanza wilayani humo watakaojiunga na shule za sekondari ifikapo Januari, 2021.

Mkurugenzi huyo ameyasema hayo katika Kikao cha Baraza la Madiwani wakati akiwasilisha taarifa ya utekelezaji kwa kipindi chote ambacho madiwani hawakuwepo tangu kuvunjwa kwa Baraza mwishoni mwa mwezi Juni mwaka huu ili kupisha mchakato wa Uchaguzi Mkuu uliofanyika Oktoba 28.

Akizungumzia suala la ujenzi wa vyumba vya madarasa, Dambaya amesema kuwa Halmashauri imetenga bajeti kwa ajili ya ununuzi wa vifaa ili kuweza kumalizia miundombinu iliyoanza kujengwa katika shule hizo za sekondari ambazo zitapokea wanafunzi ifikapoJanuari 2021.