Mwenyekiti wa Halmashauri ya Wilaya ya Nanyumbu aagiza miundombinu ya majengo itunzwe

Posted on: February 15th, 2024

Maagizo hayo yametolewa mapema Februari 15, 2024 na Mwenyekiti wa Halmashauri Mhe. Benjamin Raphael Masimbo katika ziara ya kukaguwa Miradi ya Maendeleo iliyofanywa na Kamati ya Fedha, Utawala na Mipago (FUM)

Akizungumza na walimu wa Shule mpya ya Awali na Msingi Napalavi, Mhe. Masimbo amesema kuwa Serikali kupitia Mradi wa BOOST imetekeleza Ujenzi wa miundombinu ya Shule hiyo mpya yenye thamani ya shilingi Milioni 608.2 na hivyo kuwaagiza walimu kuitunza vema miundombinu ya shule hiyo.

Kamati ya FUM imetembelea miradi mbalimbali ya Ujenzi katika ziara hiyo ikiwemo Ujenzi wa vituo vya Afya Mikangaula na Mnanje pamoja na Ukamilishaji wa madarasa katika shule ya Msingi Mikuva.