Meneja NMB Nanyumbu aitambulisha huduma mpya ya mikopo ya watumishi "Salary Advance"

Posted on: April 6th, 2018

Meneja wa Benki ya NMB Nanyumbu Bi. Rose Lwenje (wa kwanza Kushoto katika picha) ameitambulisha huduma mpya ya mkopo wa watumishi uitwao "Salary Advance" mapema leo katika ukumbi wa Halmashauri. Akizungumza na wafanyakazi wa Wilaya ya Nanyumbu Bi. Rose amesema kuwa NMB Salary Advance ni huduma mpya ya Mkopo itolewayo kwa njia ya simu kwa watumishi wote ambao mishahara yao inapitia Benki ya NMB. Unachotakiwa kufanya ni kujiunga na huduma ya NMB Mobile halafu utapiga *150*66# na kuchagua namba 5 (Mikopo) halafu namba 1 (Salary Advance). NMB inakupa nafasi ya kujikopesha mpaka asilimia 40 ya mshahara wako hata kabla ya siku ya mshahara na utarejesha mkopo wako pamoja na asilimia 6 tu ambayo hutumika katika uaandaaji. Tafsiri yake ni kwamba kwa Shilingi 10,000/= utareresha 10,600/=, kwa Shilingi  500,000/= utarejesha 530,000/= na kwa Shilingi 1,000,000/= utarejesha 1,060,000/= tu.

Nae Afisa Mikopo wa wa Benki ya NMB Bi. Araja Faki (wa pili Kushoto katika picha) amesema Benki ya NMB imepunguza riba katika mikopo toka 22% hadi 19% ikiwa ni pamoja na kuongeza mda wa mkopo mpaka miaka sita tofauti na utaratibu wa zamani ambao ilikuwa mwisho miaka mitano. NMB pia imepandisha kiwango cha mteja kukopa toka ukomo wa awali wa Shilingi milioni hamsini (50) hadi milioni sabini (70) kwa sasa.

 HAKIKA NMB MAMBO NI MOTO