Madaktari Bingwa wapiga kambi Hospitali ya Mangaka Wilaya ya Nanyumbu

Posted on: June 30th, 2023

Madaktari Bingwa wakifanya upasuaji katika Hospitali ya Mangaka

Na; Lunanilo Ngela

Jopo la Madaktari Bingwa wa Upasuaji (Surgeon) na Magonjwa ya Wanawake na Uzazi (Obstetrician & Gynecologist) kutoka Hospitali mbalimbali nchini Tanzania, wakishirikiana na Madaktari wa Wilaya ya Nanyumbu wanaendelea na huduma za matibabu ikiwa ni pamoja na upasuaji kwa wagonjwa mbalimbali katika Hospitali ya Mangaka.

Wagonjwa kutoka maeneo mbalimbali wanapatiwa matibabu ya kibingwa na Madaktari hao waliowasili Hospitali ya Mangaka tangu Juni 26, 2023.

Nae Mganga Mfawidhi wa Hospitali ya Mangaka Dkt. Benedict Yonas Mbai, ametoa wito kwa wananchi wa Wilaya ya Nanyumbu wenye uhitaji wa matibabu ya upasuaji pamoja na matibabu ya magonjwa ya wanawake na uzazi kuhakikisha wanaitumia vema fursa ya uwepo wa madaktari hao, ambao watakuwepo katika Hospitali ya Mangaka mpaka siku ya Jumatatu Julai 03, 2023.

Katika picha Kutoka Kushoto ni; Dkt. Jacob Raphael Khalali (Hospitali ya Mangaka), Dkt. David Hamisi Mvunta (Daktari Bingwa wa Magonjwa ya Wanawake na Uzazi Kutoka Taasisi ya Saratani ya Ocean Road), Dkt. Zephania Dick Peter Gega (Daktari Bingwa wa Upasuaji kutoka Hospitali ya Wilaya ya Rufiji), Dkt. Benedict Yonas Mbai (Mganga Mfawidhi Hospitali ya Mangaka), Dkt. Norbet Kiluvia (Daktari Msaidizi Hospitali ya Mangaka) Ndg. Geofrey Mchopa (Mkuu kitengo cha usingizi Hospitali ya Mangaka) na Tajaeli Simon Fissoo (Muuguzi Kiongozi Kitengo cha Upasuaji Hospitali ya Mangaka).

Aidha, Madaktari Bingwa wameongozana na Dkt. Kevin Vitus Nandonde (hayupo kwenye picha) ambaye ni Daktari Bingwa wa Magonjwa ya Wanawake na Uzazi (Obstetrician & Gynecologist)