KAMATI YA SIASA MKOA WA MTWARA YAFANYA UKAGUZI WA MIRADI YA MAENDELEO HALMASHAURI YA WILAYA YA NANYUMBU.

Posted on: January 8th, 2025

Na; Airin Lipuka 

Kamati ya siasa ya Mkoa  wa Mtwara ikiambatana na Mkuu wa Mkoa wa Mtwara Kanali, Patrick Sawala   imefanya ziara ya ukaguzi wa miradi ya Maendeleo katika halmashauri ya Wilaya ya Nanyumbu tatehe 7/1/2025,

katika ziara hiyo Jumla ya miradi 4 ilikaguliwa. Miradi hiyo   ni pamoja na Mradi wa Ujenzi wa shule ya  sekondari Kilimanihewa wenye thamani ya TSH. 560,552,827.00, Mradi wa  barabara ya Msangi Km 0.61 na Jerome Km 0.39 (wenye jumla ya urefu wa KM1.00 ) Unaotekelezwa kwa kiwango cha Lami na Kampuni ya MAKAPO CONTRACTORS AND GENERAL SUPPLY LTD ya masasi kwa gharama ya TSH.755,204,330.00.  Mradi wa ujenzi wa jengo la kutolea Huduma kwa wagonjwa wa nje, Maabara na Jengo la kuhifadhia dawa Hospitali ya Mangaka wenye thamani ya TSH 900,000,000.00 na Mradi wa ujenzi wa maji Michiga Uliokadiriwa kugharimu TSH.310,034,722.20.

 katika miradi hiyo ambayo teyati imeshapokea fedha ni mradi wa ujenzi wa sekondari Kilimanihewa sambamba na mradi wa ujenzi wa jengo la kutolea huduma kwa wagonjwa na miradi salia mpaka kufikia tarehe 7/01/2025 bado haijapokea fedha hizo.

Aidha Akiongea mbele ya wanainchi katika hospitali ya mangaka Mwenyekiti wa CCM Mkoa Mtwara alisema Ziara  hii ni matakwa ya kisheria ndani ya chama ikiwa na lengo la kupata uelewa wa pamoja kwenye miradi inayotekelezwa ndani ya halmashauri. Mwisho alipongeza Mkuu wa wilaya ya Nanyumbu CDE Christopher Magala, wanainchi na uongozi wote wa nanyumbu kwa utendaji kazi mzuri.