HAIJAWAHI KUTOKEA

Posted on: April 30th, 2022

" HAIJAWAHI KUTOKEA "

Muandishi nguli wa Vitabu John Maxwell kwenye Kitabu chake maarufu cha Sheria 21 za Uongozi ( 21 Irrefutable Laws of Leadership ) anasema,

" Nguvu ya Kiongozi yoyote yule haiko kwenye NAFASI aliyonayo bali iko kwenye USHAWISHI alionao "

Leo nimelishuhudia katika Iftari iliyoandaliwa na Mkuu wa Wilaya ya Nanyumbu Mhe. Mariam Khatibu Chaurembo kwa kushirikiana na BENKI ya NMB Tawi la Nanyumbu.Bila kujali itikadi, rangi, Dini, kabila, hadhi n.k MUITIKIO wa Wana Nanyumbu ulikuwa mkubwa sana katika makundi yote ikiwemo ya waendesha pikipiki maarufu kama Bodaboda.

Kwa Mara ya kwanza Waheshimiwa Madiwani wote 23 wa kata na Viti maalumu walihudhuria wakiongozwa na Mwenyekiti wa Halmashauri ya Nanyumbu Mhe. Benjamin Masimbo anayekaa Kilometa 67 kutoka Makao Makuu ya Wilaya.

Dua Kubwa zimeombwa na Viongozi wa Dini Mbalimbali kwa Amiri Jeshi Mkuu ambaye pia ni Rais wa Jamhuri ya Muungano wa Tanzania, Mhe. Samia Suluhu Hassani, Viongozi wote wa Taifa, Mkoa na Wilaya huku tukihusiwa kuitunza Amani yetu.

Mgeni wa Heshima kwenye Iftar ya Leo alikuwa Ni Mwenyekiti wa CCM Wilaya ya Nanyumbu Comred Rashid Mrope.Kwa niaba ya Mkuu wa Wilaya tunawashukuru makundi yote mlioshiriki na kujitolea kufanikisha Shughuli hii akiwemo Mbunge wa Jimbo la Nanyumbu Mhe.Yahaya Ally Mhata, Mkandarasi wa Kampuni ya Wanyumbu, Kayuni, Mkurugenzi Mtendaji wa Halmashauri ya Nanyumbu Ndugu yangu Ibrahimu Mwanauta na wadau muhimu Benki pendwa ya NMB.

" Acha Kazi iendelee "

Na mwandishi wetu S.Palango