Cde. Magala awasilisha Taarifa ya Utekelezaji wa Ilani ya CCM kwa kipindi cha Julai – Novemba 2024

Posted on: December 13th, 2024

Mkuu wa Wilaya ya Nanyumbu, Mhe. Christopher Edward Magala, amewasilisha taarifa ya utekelezaji wa Ilani ya Chama Cha Mapinduzi (CCM) kwa kipindi cha Julai – Novemba 2024 mbele ya wajumbe wa Halmashauri Kuu ya CCM Wilaya ya Nanyumbu katika kikao cha kawaida kilichofanyika Disemba 13, 2024, kwenye ukumbi wa halmashauri.

Akiwasilisha taarifa hiyo, Mhe. Magala alibainisha kuwa miradi yenye thamani ya zaidi ya shilingi bilioni 60 imeendelea kutekelezwa katika sekta mbalimbali, ikiwemo sekta maji, barabara, afya, elimu ya sekondari, elimu ya msingi, na utawala.

Aidha, Mhe. Magala alitoa shukrani za dhati kwa Rais wa Jamhuri ya Muungano wa Tanzania na Mwenyekiti wa CCM Taifa, Mhe. Dkt. Samia Suluhu Hassan, kwa kwa kuipatia Nanyumbu fedha hizo kwa ajili ya utekelezaji wa miradi ya maendeleo.

Kwa upande wake, Mwenyekiti wa CCM Wilaya ya Nanyumbu, Cde. Rashid Ally Mrope, alisifu jitihada za watendaji wa serikali kwa kusimamia utekelezaji wa Ilani ya CCM kwa ufanisi. Alitoa wito wa kuendelea kusimamia miradi kwa uadilifu ili kuhakikisha inakamilika kwa wakati na kutoa manufaa yanayokusudiwa kwa wananchi.

Wajumbe wa Halmashauri Kuu ya CCM Wilaya walipokea na kuridhia taarifa hiyo huku wakisisitiza umuhimu wa kukamilisha miradi kwa muda uliopangwa ili kuboresha huduma kwa jamii.